Grazas a nosa participación no programa "O sabor da aventura está no mar" promovido pola Consellería do Mar, o día 12 de marzo marchamos a Noia a visitar o porto de Testal e a súa zona de marisqueo.
Cando chegamos o porto de Testal estaban a esperarnos as monitoras do Sabor da aventura que nos acompañaron durante toda a visita.
O primeiro que fixemos foi a visita ao porto de Testal, un dos de maior actividade, onde se atopan a meirande parte das embarcacións dedicadas ao marisqueo a flote.
e a lonxa na que se clasifican e pesan os moluscos que se extraen da ría.
Logo visitamos á zona de marisqueo. Explicáronnos que a Ría de Muros Noia é moi produtiva no que a mariscos refírese, destacando a extracción de moluscos e bivalvos, especialmente ameixa e berberecho.
A forma de extraer os moluscos e bivalvos pode ser a través do marisqueo a pé ou o marisqueo á boia.
O marisqueo á boia é a actividade extractiva realizada desde unha embarcación na que poden estar un ou varios tripulantes enrolados e utilízanse como artes de pesca o rastro, anciño ou angazo.
O marisqueo a pé é a actividade extractiva realizada maioritariamente por mulleres nas praias e utilízanse como artes de pesca o sacho, anciño, fouce ou rasqueta.
Tivemos a ocasión de charlar cunha mariscadora e de probar como realiza o seu traballo. Foi toda unha experiencia.
Para rematar unha foto de grupo para despedir a visita á zona de marisqueo.
E chego a hora da super merenda de produtos do mar.
Coa finalidade de coñecer os alimentos do mar desde o punto de vista culinario, tivemos unha elaboración e degustación de preparacións, a base de produtos da terra e mar, onde cobrou especial protagonismo a participación dos nenos e nenas.
Degustamos produtos como:
Empanada de peixe
Baritas de pescada
Que bo estaba todo!
Unha vez terminada a visita a Noia coa merenda mariñeira, non quixemos marcharnos para casa sen antes aprender novas cousas sobre as artes de pesca en Galicia. Desprazámonos ata Santiago de Compostela onde visitamos o Museo do Pobo Galego.
No museo descubrimos unha panorámica das manifestacións máis representativas da cultura propia de Galicia. Nas súas salas permanentes móstranse diversos aspectos do mundo do mar e dos oficios relacionados con el.