Aínda que no noso colexio levamos traballando o tema dos produtos ecolóxicos desde o curso 2011-2012 a través dun horto escolar dentro do Programa Voz Natura, este ano quixemos ademais apuntarnos á modalidade: "Fai eco do lóxico" dentro do programa Alimentate ben do Plan Proxecta.
Fai do eco lóxico
É unha modalidade dirixida aos centros educativos, impulsada polo Craega dentro do programa “Aliméntate Ben” do ” Plan Proxecta” . Ten como obxectivo principal fomentar o consumo de produtos ecolóxicos a través do coñecemento dos seus beneficios para a natureza e para ti.Como xa sabemos, os produtos ecolóxicos son os que están libres de pesticidas, aditivos sintéticos e non teñen organismos xeneticamente modificados, ademais respectan o medio ambiente. Achegándonos a produción ecolóxica gañamos todos.
Nós levamos varios anos traballando o noso horto de maneira ecolóxica sen pesticidas e aditivos sintéticos e conseguindo uns produtos de boa calidade que consumimos no noso comedor escolar.
Ao longo do ano plantamos e sementamos diferentes produtos segundo as estacións.
Todos os anos os nosos alumnos deixan en funcionamento o horto no mes de xuño e durante o verán os mestres encargámonos de regalo e coidalo para que cando volvan en setembro recollan os produtos.
Cando chegaron os nosos alumnos do verán, recollemos os nosos froitos, aquí tedes unha mostra:
Arrincamos os nosos allos e puxémolos a secar.
Degustámolos no comedor: