DISTRIBUCIÓN DA FROITA NA NOSA ESCOLA 1º PERÍODO (CURSO 17-18)

Comezamos co 1º período (15/01/18 - 26/01/18) da distribución de froita aos alumnos subvencionada polo Plan de Froitas nas escolas durante o mes de xaneiro. As froitas entregadas foron: plátano, pera, mandarina, laranxa, mazá, kiwi e uvas. 

A froita foi repartida no comedor á hora do recreo. Pediuse ao alumnado e as súas familias que durante estas semanas os nenos/as non trouxesen ningún alimento na hora do recreo e puidesen degustar a froita fresca.

Previamente á entrega das froitas ofreceuse unha pequena charla sobre Educación Alimentaria e Nutricional en relación coas propiedades, consumo e características das Froitas consumidas.

Tamén nas títorias traballáronse aspectos relacionados con este tema.

No seguinte vídeo podedes ver como foi a nosa repartición:

INFORMACIÓN AS FAMILIAS FIN 1º PERÍODO FROITA 17-18

Continuación da información ás familias do Proxecto: "ALIMÉNTATE BEN” a través das circulares. 

Elaborouse unha nova nota con información sobre o fin do 1º período de froita no noso colexio.

Nota fin 1º período de froita na escola.

PLANTAMOS NO HORTO

Este curso, tivemos problemas para comezar a plantar o noso horto de inverno nos meses de setembro a outubro. A seca que sufriu o concello durante todo o verán xunto á escaseza de precipitacións dos últimos meses do ano, fixo que desistísemos en plantar o noso horto de inverno (fabas, chícharos, allos,... ).

Durante os meses de outubro, novembro e decembro cando o tempo o permitía, continuamos acondicionando as xardineiras cheas de terra para preparalas para sementar. E esperando un momento propicio para comezar a plantar ou sementar pasou o primeiro trimestre.

E chegou xaneiro e comezamos a plantar o noso horto. O primeiro que plantamos foron dous sucos de verzas (coias). 

COMEZO DA DISTRIBUCIÓN DA FROITA NO NOSO COLEXIO

Hoxe comezou o reparto de froita aos alumnos de todos os cursos do colexio subvencionada polo Plan de Froitas nas escolas. 

A froita repartiuse no comedor á hora do recreo. Pediuse ao alumnado e ás súas familias que durante estas semanas os nenos/as non trouxesen ningún alimento na hora do recreo e puidesen degustar a froita fresca en lugar das habituais galletas, bocadillo ou outro tipo de alimento elaborado.

Os períodos de reparto de froita ao longo del curso serán:

Período 1 : 15/01/2018 o 26/01/2018

Período 2 : 9/04/2018 o 20/04/2018

INFORMACIÓN AS FAMILIAS

Continuación da información ás familias do Proxecto: "ALIMÉNTATE BEN” a través das circulares. Elaborouse unha nova nota con información sobre o comezo da distribución da froita no centro.

Nota modalidade: Froita na escola

COMEZA A DISTRIBUCIÓN DO LEITE NO NOSO COLEXIO

Hoxe comezamos coa distribución de leite no noso colexio dentro da modalidade de Lácteos na escola, despois de concedernos a axuda solicitada para a subministración de leite aos nosos alumnos a través do FOGGA (Consellería do Medio Rural e do Mar).
A partir desta semana e ata final de curso proporcionarase leite aos alumnos, subvencionada polo Plan de Leite nas escolas. O leite será repartido no comedor a todos aqueles alumnos que a soliciten.
Pídese ao alumnado e ás súas familias que aproveiten esta axuda e consuman leite na escola.

INFORMACIÓN AS FAMILIAS (LÁCTEOS)

Elaborouse unha nova nota con información sobre o comezo da distribución do leite no noso colexio.

Nota modalidade: Lácteos na escola