SABEMOS O QUE COMEMOS

  Continuando coas actividades para traballar a alimentación saudable, este ano seguimos participando no programa Voz Natura cun horto escolar no que os nenos plantan, sementan, coidan e recollen os seus propios produtos.

   No mes de setembro comezamos a preparar o noso horto de inverno, plantaramos e sementaramos repolos, brócoli, coliflor, lombarda e grelos. Hoxe día 7 de decembro continuamos sementando guisantes, fabas lobas e allos.

   Todos os produtos que saen do noso horto son recolleitos polos alumnos e consumidos no noso comedor dentro do menú diario. 

DATOS DE CONSUMO DOS PRODUTOS NO MES DE NOVEMBRO

Os datos de consumo do mes de novembro foron os seguintes: 

O consumo de froita foi bo en todas as variedades de froita consumidas.

O consumo de sardiñas ao longo do mes de novembro foi moi alto. Case todos os alumnos probáronas e comeron.

En canto ao consumo de peixe mellorou un pouco respecto ao mes anterior.