Hoxe saíu publicada a resolución definitiva dos proxectos admitidos do Plan Proxecta e foinos concedido un ano máis o Programa Aliméntate ben.
O noso novo proxecto é:
"ALIMÉNTATE BEN"
Este ano queremos continuar traballando os obxectivos formulados o longo dos cursos anteriores nos nosos proxectos. Volveremos a traballar aspectos relacionados co coñecemento e consumo da froita, dos lácteos, das conservas e do consumo de produtos do mar ;dentro do Programa Aliménta-T ben da Consellería do Medio Rural e do Mar no marco do Plan Proxecta da Consellería de Cultura, Educación e Ordenación Universitaria. Pero ademais este ano traballaremos o consumo de produtos ecolóxicos a través do coñecemento dos seus beneficios no plano da saúde e do medio ambiente.
O noso centro participa nas modalidades do programa que son:
- Froita na escola.
- Lácteos na escola.
- Ponlle as pilas ao teu bocata (conservas do mar).
- O sabor da aventura está no mar.
- Xermoliño
- Fai do eco lóxico
Froita na escola:
Esta modalidade ten por obxecto o fomento do consumo de froita entre o alumnado de 3 a 16 anos de centros escolares. Ofrécese froita fresca fresca gratuíta a través da convocatoria do FOGGA.
Poderán ser destinatarios da axuda o alumnado que asistan regularmente aos centros escolares administrados ou recoñecidos polas autoridades competentes, que pertenzan aos seguintes niveis de ensino:
- Segundo ciclo de educación infantil.
- Educación primaria.
- Educación secundaria obrigatoria.
Páxina oficial do programa:
Lácteos na escola:
Esta modalidade ten por obxecto o fomento do consumo de produtos lácteos.
Destinatarios
Serán destinatarios desta axuda o alumnado que asistan regularmente aos centros ou establecementos escolares, recoñecidos polas autoridades competentes, dos niveis de ensino de educación infantil, primaria e secundaria.
Páxina oficial do programa:
Ponlle as pilas ao teu bocata (conservas do mar):
Esta campaña esta deseñada para a dar o coñecer as múltiples virtudes das conservas dos produtos do mar, incidindo así en hábitos de consumo alimentarios saudables. Esta iniciativa desenvólvese nos colexios públicos e numerosas competicións deportivas e campamentos da comunidade autónoma.
“As conservas temos unha chea de enerxía para o teu bocata”
Ter unha dieta rica e equilibrada é fundamental para crecer. Levar unha alimentación adecuada, completa e variada dáche a enerxía necesaria para facer o que che guste durante o día.
As especies mariñas en conserva, xunto cunha gran variedade de alimentos vexetais, cereais, lácteos.. serviranche para elaborar os teus propios bocatas! Experimenta con todas as combinacións que se che ocorran, e gozarás de infinidade de sabores que che achegarán todos os beneficios enerxéticos que necesitas para crecer san e forte!
Páxina oficial do programa:
O sabor da aventura está no mar:
Obxectivos:
- Fomentar o consumo de peixe entre o alumnado de educación primaria
- Familiarizar ao alumnado con mundo da pesca
- Transmitir aos escolares a importancia do peixe e marisco na dieta
- Coñecer as diferentes especies
Esta campaña ten o dobre obxectivo de facilitar o coñecemento e consumo de produtos do mar de Galicia entre as nenas e nenos da nosa Comunidade, e de incidir e equilibrar as súas dietas alimenticias. Os seus destinatarios son os escolares e os seus mestres/as.
Páxina oficial do programa:
Xermoliño
Fai do eco lóxico
É unha modalidade dirixida aos centros educativos, impulsada polo Craega dentro do programa “Aliméntate Ben” do ” Plan Proxecta” . Ten como obxectivo principal fomentar o consumo de produtos ecolóxicos a través do coñecemento dos seus beneficios para a natureza e para ti.
Como xa sabemos, os produtos ecolóxicos son os que están libres de pesticidas, aditivos sintéticos e non teñen organismos xeneticamente modificados, ademais respectan o medio ambiente. Achegándonos a produción ecolóxica gañamos todos.
