Hoxe nace un novo proxecto no noso centro:
"ALIMÉNTATE BEN PARA UNHA VIDA SA II"
Este ano queremos continuar traballando os obxectivos formulados o longo dos cursos anteriores nos nosos proxectos. Volveremos a traballar aspectos relacionados co coñecemento e consumo da froita, dos lácteos, das conservas e do consumo de produtos do mar ;dentro do Programa Aliménta-T ben da Consellería do Medio Rural e do Mar no marco do Plan Proxecta da Consellería de Cultura, Educación e Ordenación Universitaria.
O programa aproxima aos nenos e nenas ao medio rural e mariño, co obxectivo de potenciar o consumo dos seus produtos entre o alumnado mediante un proxecto interdisciplinar que leva a cabo accións educativas diversas, destinadas a manter e fomentar nas escolas hábitos de consumo saudables. O alumnado pode experimentar, observar e chegar a descubrir as súas características e propiedades tan necesarias para nós.
O noso centro participa nas catro modalidades do programa que son:
- Froita na escola.
- Lácteos na escola.
- Ponlle as pilas ao teu bocata (conservas do mar).
- O sabor da aventura está no mar.
Froita na escola:
Esta modalidade consiste no reparto de froita fresca ao alumnado de 3 a 16 anos de centros públicos e concertados.
Esta axuda ten por obxecto a distribución de froitas frescas ao alumnado de centros escolares.
Poderán ser destinatarios da axuda o alumnado que asistan regularmente aos centros escolares administrados ou recoñecidos polas autoridades competentes, que pertenzan aos seguintes niveis de ensino:
- Segundo ciclo de educación infantil.
- Educación primaria.
- Educación secundaria obrigatoria.
Consiste na compra a prezo reducido de leite e produtos lácteos destinados ao alumnado de 0 a 18 anos de centros escolares públicos e concertado
Esta axuda ten por obxecto a concesión a prezo reducido de leite e determinados produtos lácteos ao alumnado de centros escolares.
Destinatarios
Serán destinatarios desta axuda o alumnado que asistan regularmente aos centros ou establecementos escolares, recoñecidos polas autoridades competentes, dos niveis de ensino de educación infantil, primaria e secundaria.
Ponlle as pilas ao teu bocata (conservas do mar):
Esta campaña esta deseñada para a dar o coñecer as múltiples virtudes das conservas dos produtos do mar. Esta iniciativa desenvólvese nos colexios públicos e numerosas competicións deportivas e campamentos da comunidade autónoma.
“As conservas temos unha chea de enerxía para o teu bocata”
Ter unha dieta rica e equilibrada é fundamental para crecer. Levar unha alimentación adecuada, completa e variada dáche a enerxía necesaria para facer o que che guste durante o día.
As especies mariñas en conserva, xunto cunha gran variedade de alimentos vexetais, cereais, lácteos.. serviranche para elaborar os teus propios bocatas! Experimenta con todas as combinacións que se che ocorran, e gozarás de infinidade de sabores que che achegarán todos os beneficios enerxéticos que necesitas para crecer san e forte!
O sabor da aventura está no mar:
Obxectivos:
- Fomentar o consumo de peixe entre o alumnado de educación primaria
- Familiarizar ao alumnado con mundo da pesca
- Transmitir aos escolares a importancia do peixe e marisco na dieta
- Coñecer as diferentes especies
Esta campaña ten o dobre obxectivo de facilitar o coñecemento e consumo de produtos do mar de Galicia entre as nenas e nenos da nosa Comunidade, e de incidir e equilibrar as súas dietas alimenticias dándolles a probar nos comedores dos centros educativos diferentes pratos elaborados con peixe e marisco. Os seus destinatarios son os escolares de Educación Primaria e os seus profesores.
A partir de hoxe neste blog poderedes ver todas as actividades que levaremos a cabo durante todo o curso dentro do noso proxecto "Aliméntate ben para unha vida sa II".