O venres 7 de novembro reunímonos toda a comunidade educativa para festexar o magosto.
No Magosto Escolar as nosas actividades xiraron entorno á castaña como alimento saudable e froito típico da nosa zona.
A nosa festa de portas abertas é unha invitación a pais/nais, antigos alumnos, concello,... e nós. Nela comemos un gran xantar: Bolos preñados, empanada, bica, refrescos
e por suposto castañas asadiñas.
Sempre agradecendo a labor da ANPA e a achega do Concello para poder levar a cabo este día.
E despois dun gran xantar, un pouquiño de actividade. O claustro de mestres organizou un circuíto de xogos, catro en total, coa castaña como protagonista.
Xogo: Rato que che pilla o gato
Facemos un círculo e un cativo queda fora del. Cantamos a canción e o rematar pechamos os ollos. O cativo que quedou fora deixa unha castaña nas costas dun compañeiro e o abrir os ollos o que teña a castaña ten que perseguilo. Consegue salvarse dando unha volta o círculo métese no lugar do outro.
Xogo: Relevo de castañas.
Facemos uns equipos e poñémolos en fila. Cada neno terá que recorrer un tramo cunha culler na boca na que levarán unha castaña. Á volta terá que pasarlle a castaña á culler do seguinte compañeiro. Gañará o equipo que remate antes o relevo sen fallos.
Xogo: lanzacastañas
Nun panel ben grande, temos ocos con distintas puntuacións e dificultade. Deberemos lanzar castañas e conseguir o maior número de tantos posible.
Xogo: tres en raia coa castaña
Contra a outro contrincante intentamos facer un tres en raia no taboleiro coas castañas.
Mirar que ben nolo pasamos: