Dentro dos obxectivos que nos propuxemos para este curso estaba o de coñecer o consumo real de froita, conservas e peixe dos nosos alumnos no centro.
Realizouse un control durante todo o curso sobre o consumo destes alimentos no comedor do colexio entre os alumnos de Ed.Primaria.
O número total de alumnos do estudo é de 28 repartidos por todos os cursos.
Os datos os datos foron recollidos mensualmente, e trimestralmente e publicados neste blogue.
Como resumo final podemos dicir que os datos de consumo do curso 16/17 foron os seguintes:
No consumo de froita:
Ao longo do curso foron moitas as variedades de froita consumida polos alumnos con maior ou menor aceptación.
No 1º trimestre o consumo de froita está de media por encima de 23 alumnos que a consomen diariamente. Durante el 2º trimestre mellora e ningún día baixa o consumo de 25 alumnos que a comen, independentemente da variedade proporcionada. Pero no 3º trimestre volve a baixar algún día o consumo de 25 alumnos.
Si temos en conta un consumo mínimo de froita de 23 alumnos de media ao día dos 28 totales danos un 82% de consumo cifra bastante boa.
A continuación podemos ver as variedades consumidas e como varía o seu consumo ao longo do curso.
Como podemos observar a maioría das froitas son consumidas por el 90% (exemplo: laranxa, mandarina, mazá, melón, pera) do alumnado e algunhas case por o 100% (exemplo: amorodos, plátanos, sandía).
Sendo a nectarina a froita menos consumida cun 82 % dos alumnos e o plátano a que mais cun 98´5 % dos alumnos ao longo do curso.
No consumo de conservas:
Os datos recolleitos só fan referencia á conserva de sardiñas.
Na seguinte gráfica podemos observar a evolución de consumo das sardiñas ao longo do curso.
Como podemos ver o consumo de sardiñas foi moi alto entre o noso alumnado chegando a rozar en case todas as ocasións o 100% con 27 alumnos. Unha análise máis detallada infórmanos de que 22 alumnos coméronas sempre. Soamente existe unha alumna que non comeu sardiñas en todo o curso e outros 5 alumnos que algunha vez deixáronas (1 alumna deixounas 4 veces, outra as deixou 2 veces e 3 alumnos deixáronas 1 vez).
Tendo en conta estes resultados consideramos un éxito o consumo de sardiñas entre o noso alumnado.
No consumo de peixe:
Os datos recolleitos fan referencia ao consumo de peixe en tres modalidades: peixe fresco, peixe conxelado e peixe conxelado rebozado.
Nas seguintes gráficas podemos observar a evolución de consumo de peixe ao longo do curso nas tres modalidades.
En canto ao consumo de peixe como case sempre nos primeiros meses de comedor non foi moi bo (media de 16 a 19 alumnos que o comían). No mes de novembro comenzou a mellorar pouco a pouco e a finais de decembro xa estabamos nuns datos de consumo medio ao redor de 22 alumnos. Ao longo do 2º trimestre moviámonos nun consumo entre 22 e 24 alumnos diarios que comen o peixe, agás algún día. No 3º trimestre o consumo de peixe continua mais o menos entre 22 e 24 alumnos diarios que comen o peixe, agás uns días a partir de final de abril, nos meses de maio e xuño, baixando por baixo da media dos 22 alumnos que tiñamos como marca dos meses anteriores.
Tendo en conta estes resultados consideramos que unha media de 22 alumnos sobre 28 (78,6 % do total) que comen peixe ao longo do curso esta moi ben.
Unha análise máis detallada infórmanos que destes 28 alumnos soamente 4 alumnos comeron sempre o peixe, unha alumna non comeu o peixe en todo o curso, tres alumnos case nunca o comeron e os outros 20 alumnos deixárono algunha vez ao longo do curso. ( De 1 a 5 veces => 12 alumnos, 6 a 10 veces => 7 alumnos, 11 a 20 veces=> 1 alumno).
Se observamos as gráficas tendo en conta as variedades de peixe consumido:
No 1º trimestre o consumo de peixe conxelado aumenta gradualmente excepto algún día esporádico, chegando a obter valores entre 20 e 24 alumnos. No 2º trimestre o consumo estabilízase entre 22 e 24 alumnos diarios que comen o peixe conxelado, agás algún día. Pero no 3 trimestre a partir de finais de abril o consumo baixa moitos días dos 22 alumnos diarios que comían o peixe.
No 1º trimestre o consumo de peixe fresco foi moi irregular. Alternando días dun consumo bastante alto con días de consumo máis baixo. No 2º trimestre o consumo estabilízase tamén entre 22 e 24 alumnos diarios que comen o peixe fresco, agás un día. No 3 º trimestre o consumo continua por encima de 22 alumnos.
O consumo de peixe conxelado rebozado é moi alto por parte do noso alumnado e mantense regular ao longo de todo o curso cunha media de consumo de 24 alumnos.