Outro ano mais o colexio participou na campaña “NUNCA SEN ALMORZO… E SEMPRE RECREOS SAUDABLES”. Nela traballamos aspectos relacionados coa froita e os lácteos no almorzo e na merenda dos recreos.
O Informe Anual do Sistema Nacional de Saúde 2013 mostra que o 18,3 % nenos españois sofren sobrepeso e o 9,6% son obesos, cifras similares as que se están observando en Galicia, e a última Enquisa nacional de saúde refrexa que o sedentarismo entre os escolares de 5 a 14 xa chega ao 12,1 %. Estes datos corroboran que aínda segue a ser necesaría a promoción de hábitos saudables, no so co Plan galego de prevención da obesidade infantil (PLAN XERMOLA) que implantou no 2014 a Consellería de Sanidade, senón tamén con programas no ámbito escolar e familiar. Dende a Xefatura Territorial de Sanidade de Ourense levouse a cabo durante este curso escolar 2015/2016 a actividade “NUNCA SEN ALMORZO… E SEMPRE RECREOS SAUDABLES”.
O Colexio CEIP XOSÉ MANUEL FOLLA RESPINO participou en dita campaña a través de unha charla e coa elaboración dunha merenda no recreo para os alumnos, que tivo lugar ás 12h 20 minutos do MARTES día 26 de ABRIL no colexio.
Na actividade participaron membros da Consellería de Sanidade de Ourense, que informaron aos nenos sobre hábitos saudables de alimentación.